Тарзи фиристодани дархост

Пур кардани варақаи дархостро имрӯз шурӯъ кунед

ПЕШНИҲОДИ ОНЛАЙНИ ВАРАҚАИ ДАРХОСТ
OR
БОРГИРӢ КАРДАНИ ВАРАҚАИ ДАРХОСТ Боргирӣ кардани варақаи дархост дар бораи қабул ба барномаҳои бакалавриати Донишгоҳи Осиёи Марказӣ дар солҳои 2020-2021. Варақаи дархост барои дохил шудан ба кампусҳои ДОМ дар Норин (Ҷумҳурии Қирғизистон) ва Хоруғ (Тоҷикистон) қабул карда мешаванд.
[ Дар формати Word ]
[ Дар формати PDF ]

Имрӯз дархостатонро ба ДОМ бифиристед

Санаҳои муҳим


15-уми март 2020
Рӯзи охирини марҳилаи аввал (бе пардохтани пули варақаи дархост)

5-уми апрел 2020
Аз имтиҳони ДОМ гузаред ё баҳои имтиҳон ва иншои SAT-ро супоред.

Май 2020
Рӯзи охирин барои супоридани ҳуҷҷатҳои зерин:
1. Варақаи дархости марҳилаи II
2. Ду тавсиянома аз ҷониби омӯзгорон
3. Варақаи дастгирии молиявӣ

Варақаи марҳилаи I ва ҳуҷҷатҳои ҳамроҳ

Варақаи дархости пуркардашудаи марҳилаи I ва ҳуҷҷатҳои ҳамроҳро на дертар аз соати 23:59 (GMT+6) 15 марти соли 2020 ба ДОМ бирасонед:

  • Варақаи дархости пуркардашудаи марҳилаи I (бахшҳои A то Е);
  • Нусхаи шиносномаи давлатӣ;
  • Як сурат, ки рӯйи довталабро нишон медиҳад ва на пештар аз 3 моҳ гирифта шудааст;

Ҳамаи довталабони хориҷӣ бояд варақаи баҳояшонро супоранд.

Шумо метавонед варақаи дархостро бо 3 роҳ супоред:

ОНЛАЙН
  1. Варақаи дархостро ба таври онлайн онлайн пур ва равон кунед
  2. Ҳамаи ҳуҷҷатҳои ҳамроҳро ба почтаи электронии apply@ucentralasia.org фирситед

Пурсиш ва посух
Дастурамали пай дар пай
Аз тариқи почтаи электронӣ
  1. Ҳуҷҷатҳои ҳамроҳ ва варақаи дархостро боргирӣ, чоп, пур, скан ва ба почтаи электронии apply@ucentralasia.org бифиристед
  2. Унвони номаи шумо бояд "Application" ва номи шумо бошад



Ба таври ҳузурӣ
  1. Ҳуҷҷатҳо бояд ба таври ҳузурӣ пеш аз рӯзи охирин ба макони ҷойгиршавии ДОМ дар Тоҷикистон, Қирғизистон ва Тоҷикистон супорида шаванд.
  2. Ному насаб, почтаи электронӣ ва шумораи телефонатонро дар рӯи лифофа нависед.
  3. Замони супоридани варақаҳои дархост аз соати 9:00-18:00, рӯзҳои душанбе то ҷумъа.

ДОМ масъулияти варақаҳои дархости марҳилаи I ё II, ки пас аз рӯзи охирини зикршуда мерасанд, ба уҳда намегирад. Бастаи комили ҳуҷҷатҳои коғазиро метавон то рӯзи охирини зикршуда ба яке аз нишониҳои зерин равон кард.



Дафтари марказии маъмурии ДОМ
720001, Ҷумҳурии Қирғизистон, ш. Бишкек
кӯчаи. Токтогул 138

Донишгоҳи Осиёи Марказӣ, кампуси шаҳри Норин
кӯчаи. Ленин 310, Норин
722900, Ҷумҳурии Қирғизистон

Донишгоҳи Осиёи Марказӣ, кампуси шаҳри Хоруғ
ул. Қиматшо Иматшоев 155, Хоруғ, ВМКБ
736000, Тоҷикистон

ММКД дар ш. Норин
722900, Ҷумҳурии Қирғизистон
ш. Норин, кӯчаи. Сейтаалӣ Жакипов 19

ММКД дар ш. Душанбе
734013, Ҷумҳурии Тоҷикистон
ш. Душанбе, хиёбони Дӯстии Халқҳо 47А

ММКД дар ш. Хоруғ
736000, Ҷумҳурии Тоҷикистон, ВМКБ,
ш. Хоруғ, кӯчаи Шириншо Шотемур 190

ММКД дар ш. Текелӣ
041700, Ҷумҳурии Қазоқистон
ш. Текелӣ, кӯчаи Гагарин 13




 

Рӯихати ҳуҷҷатҳо барои дохил шудан

Варақаи дархости онлайн, сканшуда ё чопшуда
Нусхаи шиноснома ё санади шиносоӣ (ID)
Як дона акс, ки на пештар аз 3 моҳ гирифта шудааст
Варақаи баҳо танҳо барои донишҷӯёни байналмилалӣ

Ба таваҷҷуҳи шумо!

Бурсияи пурраи таҳсил бар асоси рақобат ба донишҷӯёни беҳтарин ва шоиста аз кишварҳои Тоҷикистон, Қирғизистон ва Қазоқистон дода мешавад. Ин бурсия бар асоси дастовардҳои таҳсилӣ ба монанди имтиҳонҳои дохилшавии ДОМ, дастовардҳо дар озмунҳои миллӣ аз фанни риёзӣ ва забони англисӣ ва дорандагони Гувоҳномаи тиллоии Имтиҳони умумии ҷумҳуриявӣ дода мешавад. Гувоҳномаҳои марбут ва ҳуҷҷатҳои дигар бояд моҳи майи соли 2020 аз ҷониби довталабон ба Дафтари пазириши ДОМ супорида шаванд.

Довталабони дорои дастовардҳои истисноӣ ва берун аз барномаи таълим имкон доранд бо тавсияи коммисияи қабул мустақиман ба соли дуюми барномаи панҷсолаи ДОМ қабул шаванд. Дар ин сурат довталабони Тоҷикистон бояд тибқи талаботи Вазорати маориф ва илми Тоҷикистон натиҷаи имтиҳони Маркази миллии тестиро пешниҳод кунанд. Натиҷаи имтиҳони Маркази миллии тестӣ барои довталабоне, ки ба соли аввал (барномаи омодасозӣ) дохил мешаванд, лозим нест.

Саволҳо барои фиристодани дархост

Бо бахши пазириши ДОМ аз тариқ admissions@ucentralasia.org ё телефон/WhatsApp аз тариқи +996 770 822 901 (Қирғизистон) / +992 93 999 99 64 (Тоҷикистон) / +7 777 822 3948 (Қазоқистон) дар тамос шавед.

Имтиҳони дохилшавӣ ба ДОМ ва баҳои SAT

Довталабоне, ки варақаи дархости комили марҳилаи I-ро супоридаанд ду интихоб доранд. Ё имтиҳони дохилшавии ДОМ-ро, ки 5-уми апрели соли 2020 баргузор мешавад, супоранд ва ё баҳои имтиҳон ва иншои SAT-ро дар рӯзи зикршуда ирсол кунанд.

Имтиҳони дохилшавӣ

Имтиҳони дохилшавии ДОМ 5-уми апрели соли 2020 дар ҷойҳои муайян баргузор мешавад. Имтиҳон аз се бахш иборат аст: забони англисӣ, риёзӣ ва мантиқ.

Донишҷӯёне, ки марҳилаи аввали варақаи дархостро пур кардаанд аз тариқи почтаи электронӣ рақами варақаи дархост, суроғаи маркази имтиҳон ва вақти баргузор шудани имтиҳонро дастрас мекунанд. Имтиҳонро танҳо дар маҳалле, ки барои шумо таъйин шудааст, супорида метавонед.

Лутфан, чизҳои зеринро бо худатон ба маҳалли имтиҳон бигиред:

  • Рақами варақаи дархост
  • Шиносномаи аслӣ ё корти шиносоӣ, ки аз ҷониби давлат дода шудааст

Намунаи саволҳои имтиҳонро дастрас кунед

Баҳои имтиҳон SAT

Довталабоне, ки хоҳишманди фирсондани холҳои санҷишӣ ё иншои SAT-ро доранд, дар вақти пуркардани ҳуҷҷат, бояд рамзи Донишгоҳи Осиёи Марказӣ 7834-ро нишон диҳанд. Ё метавонанд шаҳодатномаи электронии расмӣ/сканкардашударо то 5 апрели соли 2020 ба почтаи электронии apply@ucentralasia.org фиристан. Инчунин метавонанд ҳуҷҷатҳоро шахсан ба суроғаи мо дастрас намоянд.

Дафтари марказии маъмурии ДОМ
ошёнаи 7-ум, Шӯъбаи сабт
кӯчаи Токтогул 138
720001 ш. Бишкек, Қирғизистон

Агар довталаб ҳам баҳои имтиҳон ва иншои SAT-ро ирсол кунад ва ҳам имтиҳони дохилшавии ДОМ -ро супорад дар ин сурат танҳо натиҷаи имтиҳони ДОМ ба инобат гирифта мешавад.

Донишҷӯёне, ки шаҳрванди ҷумҳурии Тоҷикистон, Қирғизистон ва ё Қазоқистон нестанд, ба рӯйхат пас аз санҷиши пешакӣ дохил карда, ба имтиҳони дохилшавӣ даъват карда мешаванд.

Имтиҳони дохилшавӣ ба ДОМ ва баҳои SAT

Довталабоне, ки варақаи дархости комили марҳилаи I-ро супоридаанд ду интихоб доранд. Ё имтиҳони дохилшавии Донишгоҳро супоранд ва ё баҳои имтиҳон ва иншои SAT-ро то рӯзи охирин ирсол кунанд. Довталабони Тоҷикистон ва Қирғизистон илова бар имтиҳонҳои дохилшавии Донишгоҳи Осиёи Марказӣ бояд ҷавобгӯи талаботҳои маркази миллии тестӣ низ бошанд.

Имтиҳонҳои дохилшавӣ
Имтиҳонҳои дохилшавии Донишгоҳи Осиёи Марказӣ дар ҷойҳои муқарраршуда баргузор шуда аз 3 бахш иборат мебошанд: забони англисӣ, риёзӣ ва мантиқ.

  • Забони англисӣ: Ин имтиҳони стандартӣ аз саволҳои дорои ҷавобҳои гуногун ва саволҳои иншо иборат буда, маҳорати забондонӣ ва асосҳои грамматикаву луғатро арзёбӣ мекунад. Талаботи гузаштан аз марҳилаи аввал доштани сатҳи B1 барои барномаи омодасозии Донишгоҳ ва сатҳи B2/C1 барои гузаштан ба курси 1-ум мебошад. Ин талабот бар асоси Чорчӯби аврупоии муштарак барои забонҳо (CEFR) мебошад.
  • Риёзӣ: Ин имтиҳон аз ду бахш иборат аст: Бахши 1-ум аз саволҳои боз иборат аст, ки роҳҳои табии фикрронии риёзии довталабро месанҷад; ва Бахши 2-юм шомили 20 саволи дорои ҷавобҳои гуногун мебошад. Талаботи камтарин барои гузаштан аз марҳилаи якум 50% ҷавоби дуруст барои қабул шудан ба барномаи омодасозӣ ва 70% барои қабул шуда ба курси 1-ум муқаррар шудааст.
  • Мантиқ: Ҳадафи имтиҳони “The Naglieri Nonverbal Ability Test (NNAT)” ё имтиҳони мантиқ арзёбии тавоноии дарк ва шинохти донишҷӯён новобаста аз заминаи фарҳангӣ ва забонии онҳо мебошад.

Дастрасӣ ба намунаи саволҳо

Бо дар назардошти хатар ба саломатӣ, имтиҳонҳои дохилшавии Донишгоҳи Осиёи Марказӣ, ки бояд рӯзи 5-уми апрели соли 2020 баргузор мешуданд, ба вақти дигар гузаронида шуданд. Иттилоъ дар бораи рӯзи нави баргузор шудани имтиҳонот ва ҷузъиёти дигар ба почтаи электронии довталабон фиристода мешавад.

Донишҷӯёне, ки марҳилаи аввали варақаи дархостро пур кардаанд аз тариқи почтаи электронӣ рақами варақаи дархост, суроғаи маркази имтиҳон ва вақти баргузор шудани имтиҳонро дастрас мекунанд. Довталабони хориҷ аз кишварҳои Тоҷикистон, Қирғизистон ва Қазоқистон пас аз баррасии аввалия ба супоридани имтиҳонҳои дохилшавӣ даъват мешаванд. Имтиҳонро танҳо дар маҳалле, ки барои шумо таъйин шудааст, супорида метавонед.

Лутфан, чизҳои зеринро бо худатон ба маҳалли имтиҳон бигиред:

  • Рақами варақаи дархост
  • Шиносномаи аслӣ ё корти шиносоӣ, ки аз ҷониби давлат дода шудааст

Баҳои имтиҳон SAT
Довталабоне, ки мехоҳанд баҳои имтиҳон ва иншои SAT-ро ирсол кунанд, лутфан коди Донишгоҳи Осиёи Марказӣ 7834-ро зикр кунед ва ё нусхаи сканшуда ва нусхаи расмии электронии онро то 5-уми апрели соли 2020 ба почтаи электронии apply@ucentralasia.org ё ба таври ҳузурӣ ба суроғаи зерин бисупоред:

Дафтари марказии маъмурии ДОМ
ошёнаи 7-ум, Шӯъбаи сабт
кӯчаи Токтогул 138
720001 ш. Бишкек, Қирғизистон

Агар довталаб ҳам баҳои имтиҳон ва иншои SAT-ро ирсол кунад ва ҳам имтиҳони дохилшавии Донишгоҳи Осиёи Марказиро супорад дар ин сурат танҳо натиҷаи имтиҳони Донишгоҳ ба инобат гирифта мешавад.

Холҳои (балл) ҳадди ақали имтиҳон ва иншои SAT барои гузаштан ба барномаи омодасозӣ:

  • Риёзӣ – 500
  • Маҳорати хондан ва навиштан (ERW) – 500
  • Иншои SAT:
    • хондан – 4;
    • таҳлил – 4;
    • навиштан – 4.

Холҳои (балл) ҳадди ақали имтиҳон ва иншои SAT барои гузаштан ба курси 1-ум:

  • Риёзӣ – 600
  • Маҳорати хондан ва навиштан (ERW) – 550
  • Иншои SAT:
    • хондан – 6;
    • таҳлил – 6;
    • навиштан – 6.

Марказҳои супоридани имтиҳон *

Aфғонистон: Шуғнон | Кобул | Файзобод
Қазоқистон: Алмато | Нурсултон| Тараз| Teкeлӣ
Кеня: Момбаса
Қирғизистон: Бишкек | Каракол | Норин | Ош
Покистон: Қарочӣ | Гилгит | Читрол | Исломобод
Федератсияи Русия: Маскав
Сурия: Саламия
Тоҷикистон: Душанбе| Хоруғ | Хуҷанд | Кулоб | Бохтар

* Марказҳои супоридани имтиҳон мумкин аст иваз шаванд

Марҳилаи II варақаи дархост, тавсияномаҳо ва варақаи кумаки молиявӣ

Довталабоне, ки бо супоридани имтиҳонҳои ДОМ ва SAT аз марҳилаи II гузаштаанд бояд моҳи майи соли 2020 ҳуҷҷатҳои зеринро супоранд:

  • Варақаи дархости марҳилаи II (бахшҳои A то C);
  • Ду тавсиянома аз ҷониби омӯзгорон;
  • Варақаи кумаки молиявӣ.

Довталабон бояд як тавсиянома аз омӯзгори риёзӣ ва яке дигарро аз омӯзгори забони англисӣ (беҳтар аст ба забони англисӣ бошад) ирсол кунад. Тавсияномаи омӯзгори риёзӣ метавонад бо забони русӣ бошад

Дар сурати пазируфта шудан барои донишҷӯ кумаки молӣ кафолат дода мешавад.
Маълумоти бештар дар бораи бурсияи таҳсил, грант ва қарзҳо аз ҷониби ДОМ

Ҳафтаи шиносоии донишҷӯён охири моҳи август ва рӯзи аввали дарс моҳи сентябр шурӯъ хоҳад шуд.